685 Document (s)

Txikienek lehenengoz egin behar diete aurre ulertzen ez dituzten eta beldurtzen edo urduri jartzen dituzten egoera batzuei. Eguneroko ikaskuntzan, ohitura berriak berenganatu behar dituzte.

“Mara, amaitu etxeko lanak!” diotso aitak arrapaladan. “Erretiratu bizikleta, Mara, beti uzten duzu traban!”. “Maratxo!” amonaren deia, “Zoaz eta ikus sagurik baden ganbaran!”. “Mara! Mara! Mara!” oihukatzen dioten bakoitzean, airea falta haurrari. Arineketan komunera joan eta atea ixten du orduan, danba! Biluztu, baineran sartu eta urpean murgiltzen da harik eta mundua entzuten ez den lekura iristen den arte. Han behean, koral eta baleaz inguratuta, arnasa hartzen du ostera ere. Itomen baten kontakizuna da “Bainera bete itsaso”, zelan protagonistak bere aire burbuila erraldoia eraikitzea lortzen duen.

"Ipuineko protagonistari, haur gehienei gertatzen zaien bezala, nagikeria ematen dio bainatu behar izateak. Bainura! laguntza tresna ere bada, gurasoek seme-alabei autonomia hartzen lagun diezaieten: garbitzea edo jatea bezalako jarduera errazak helduen laguntzarik gabe egin ahal izateko, portaerazko jarraibideak beharko dituzte autonomoak izaten hasteko.

Baionako alarguna metatze-ipuin klasikoa da, baina egokitutako amaiera batekin europear tradizioko elementu tipikoekin: katua, txakurra, makila, ura, sua... Ipuin mota hauekin haurrek konexioak egiten ikasten dute eta, hortik abiatuta orokortzen eta iragarpenak egiten asmatzen dute.

Baldomeraren historiak munduari bira eman dio. Berrogeita hamar milioi pertsonak baino gehiagok ezagutzen dute bere historia. Burritak ezin izan zuen bere jabea ikusi COVID-19k ekarritako konfinamenduaren ondorioz. Hiru hilabete luzeren ondoren topo egin zutenean, hunkitu gintuen bideo bat grabatu eta biral bihurtu zen. Baldomera burrita negarrez hasi zen, azkenean nagusia ikusi zuenean. Benetako gertaeretan inspiratua.

Bapo jaunak zerbait arraroa aurkitu du etxetik irtendakoan. Lehoi baten buztana ote da? Zabaldu orrialdeak, eta lagun iezaiozu deskubritzen!

Bapo jaunak Lali lagunari txantxa bat egitea erabaki du. Zer ote du masailean? Zabaldu orrialdeak, eta asmatuko duzu!

Escargot, papillon ou caméléon... chaque fois que tu déplies ce livre, un animal se transforme et laisse apparaître un nouvel ami. A toi de deviner qui sera le suivant.

Ez duzu handia eta ausarta izan beharrik zure orroa aurkitzeko. Txikia izatea ez da beti erraza. Baina Saguk ekin dio bere orroa aurkitzeko bidaiari. Horrela deskubrituko du izakirik txikienak ere izan dezakeela lehoi baten bihotza.

Neska-mutiko anitz izitzen dira Olentzerorekin, itxura beldurgarria duelako: bisaia beltza, tripa handia... Baina jada maddi ez da izitzen. Ez behintzat Bartoxeko Olentzerorekin. Zergatik ote?

Zozo adarjotzaile bat, haserre dagoen igaraba bat, azeri pinpirin bat eta odol urdindun basurde bat. Horiek guztiek lagunduko dute Basajaun mendi tontorreraino ibaiaren urarekin zer gertatu den ikustera.

Basajaun oporretan dagoen bitartean, Axel hontza arduratuko da basoa zaintzeaz. Baina animaliek ez diote jaramonik egiten eta basoan anabasa gailentzen da. Gainera, negua dator eta ez dira prestatzen ari.

Iparraldeko basoetan itsaso usaina dago, zuhaitzak altxorren gordeleku dira, lainoek misterioak ezkutatzen dituzte, haizeek mezuak daramatzate eta animaliak sekretu liluragarrien jabe dira. Urtxintxa maitemindu egin da baina Muxarrak, Hartzak, Hontzak eta Otsoak bere amodioa ulertuko ez dutenaren beldur, sekretupean dauka.

Gaztetan ehiztaria izan ondoren, zahartutakoan, argazkilari bihurtutako aitonaren eta bilobaren istorio da hau, xume bezain dotore kontatuta. Basoak eta bertako bizitzak erakarrita, aitonaren eskutik naturaren lilura ezagutuko du neskatxak.

Badira esaten ez diren hitzak. Kontatzen ez diren bizipenak. Badira lehen begi-kolpean ikusten ez diren egiak. Badira otso mozorrotuak, etxe batzuetan sartu eta ezkutatzen asmatzen dutenak. Eta baso ilun eta beldurgarri bihurtzen dituzte beraietako biztanleentzat. Liburu hau malko isil hori, laguntza-eske mutu hori ikusarazteko saio bat da. Eta baita begiak ireki ditzagun eskatzeko dei bat ere, hitz egin dezagun. Galde dezagun. Oinazea besarkatu dezagun, eta zauriak sendatzen aritu gaitezen. Utikan otsoa!... Utikan!

Azeria, sagua, mapatxea eta hontza kanpoan jolasten ari dira. Udazkeneko egun ederra da, lurzorua orbelez estalia dago eta sagarrondoak sagarrez beteta. Lagunek sagar batzuk hartu nahi dituzte, baina sagarrak goregi daude. Lagunduko al diezu? Irudiz betetako liburu interaktibo bat, udazkena gogoko duten haurrentzat.

Adur BETI zegoen kezkatuta. Kezka eragiten zioten lagunik gabeko galtzerdiek, katagorri gaiztoek, askatutako lokarriek…Baina kezkarik handiena HAIZEAK eragiten zion. Adurrek Maia ezagutu zuen, eta lagunak egin ziren. Maiak ez zion beldurra EZERI.Egun haizetsu batean, Maiak kanpora joan nahi izan zuen jolastera, eta haizeak airean eraman zuen Adur! Itzuli zenean, Adur guztiz aldatuta zegoen…