47 Document (s)

Amerikako Estatu Batuak, 1930etik 1950era bitarteko mafia. Prostituzioa. Krimen organizatua. Drogak. Las Vegas. Hollywood. Giro horrexetan nabarmenduko da Virginia Hill, Chicagoko prostituta apal bat. Arrakasta izango du eta hiriko mafiaren mahaian toki bat ere irabaziko du. Guztiz leial izango zaio organizazioari. Emakume zoragarria da Virginia, eta lanerako nahiz atseginerako tresna gisa darabil bere gorputza. Mexikotik Txinara Korsikatik barrena egiten den droga-trafikoa sendotzen lagunduko du. Emakume librea, gizonen mundu batean. Edo horixe pentsatzen zuen, bederen, Virginia Hillek. Larrutik ordainduko zuen bere garaiari aurrea hartu izana.

Colorado, 1869. Cowboy talde batek cheyene tribu bat txikitu berri du; soilik Dull gazteak lortzen du sarraskitik ihes egitea. Argazkilari ibiltari batek, Oscar Carjatek, mutila hartzen du eta elkarrekin Mendebalde Handia zeharkatzen hasten dira gurdi batean. Herriz herri ibiltzen dira, forajidoen pausoei jarraituz eta tokiko agintarientzat "Wanted" kartel famatuak apainduko dituzten erretratu robotak eginez. Dull trebetasun berezia du bere arkatzaren marra batzuekin bilatutakoen ezaugarriak irudikatzeko.

Xan hiri handi batean bizi da ikasle eta Euskal Herrira sartzen da 2020ko konfinamendu garaian. Bere haur denborako ingurugiroan murgilduko da berriz, amaren etxean, betiko lagunen ondoan, usaiazko herrian eta karriketan. Mutiko euskaldunak - munduko edozein gaztek bezala - momentu latzak pairatuko ditu. Ikasketak segituko ditu internetetik, eta etxean zerraturik egonen da egunak eta egunak, bakartasun minbera baten preso. Mila galdera sortzen dira bere baitan. Ba ote dakit barnean nor naizen ? Besteek ere ene kezka, duda, arrangura, beldur berdinak ote dituzte ? Besteak bezalakoa ote naiz ? Kanpotik erakusten dudan hori ote naiz ?Nork bere buruaren ezagutzeko bidea luzea iduritzen zaio Xan-i. Baina, mendia hor da, amatxiren etxea, ostatuko lagunak, baita musikaren unibertsoa ere, eta Xan-ek ez du amor emanen. Tono berde eta urdinetan eraiki marrazki hunkigarriak lagun, irakurlea ohartuko da galderak pausatzea erantzunak aurkitzea baino inportanteagoa dela.

Soldatapeko bi hiltzaile enkargu bat burutzear dira AEBetako New Orleans sargori eta umelean. Metamorfosi batek, baina, ezusteko gertaeren kateaketa bat ekarriko du. Giza Otsoa bezalako mito klasikoak literatura beltzarekin edo Quentin Tarantinoren zinemarekin elkartzen diren bidegurutzean kokatzen da Zebra efektua. Baina hori baino askoz gehiago ere bada: esklabotzarekin lotutako hari korapilatsu bezain sotilak ûgaurdaino iristen direnakû agerian uzten dituen istorio biribila. Jar zaitez protagonisten larruan: nola jokatuko zenuke zuk ustekabean zeure azalaren kolorea aldatuko balitz?

Komiki honek Xiru eta Miruren abenturak aurkezten ditu, beti zozokerietan ari diren bi saia kokinen istorioak.

2016ko neguaren lehen egunean, Eduardo Madina eta Fermin Muguruza Irunen elkartu ziren. Aitzakia Jot Down magazinerako elkarrizketa bat izan zen, baina edozein estakuru izan zitekeen egokia bi euskaldun horiek, bizi-ibilbide itxuraz oso desberdinak izan dituzten bi euskaldun horiek, elkartzeko. Madina â€ô2002an ETAren atentatu batetik bizirik atera zen politikari sozialistaâ€ô eta Muguruza â€ôKortaturen lider historikoa eta Euskal Herriko musikaren erreferentzietako batâ€ô solasean aritu ziren kafe baten aurrean, Alfonso Zapico marrazkigileak une haren potreta bere koadernoan jasotzen zuen artean. Zirriborro haiek izan ziren Zubigileak albumaren hazia. Euskal gazteen zenbait belaunaldiren narrazioa da albuma, zuri beltzean marraztu beharreko historia.

Eman dezagun goiz batez morroi bat San Frantziskoko portuan esnatzen dela. Zauria du buruan, pistola eskuan .38 Special bat, eta emakume baten hilotza metro batzuetara. Zorabioa eta buruko mina gorabehera, airean ulertu du kakatzan sartuta dagoela, berehala izango dituela bertan poliziak. Hobeko luke lehenbailehen lekuak hustu, aulki elektrikoan jar ez dezaten. Alabaina, nora joan? Galdua du oroimena, zeharo. Ez du bere izena gogoratzen, ezta bere biziaren gaineko xehetasunik batere. Poliziaren atzaparretatik ihesi ibili beharko du eta, aldi berean, bere bizitza ikertu. Bideak hamaika ustekabe, eta bat gehiago, ekarriko dizkio...