268 Document (s)

Zer irudituko litzaizuke ustez aspergarriak izango ziren oporrek bizipen ahaztezina ekarriko balizute ? Eta ustez ezezaguna zen kobazuloa inoiz imajinatutako izakirik arraroenez beterik balego? Zazpi buruko dragoiari, ziklopeari, suge erraldoiari edo gauez agertu eta itotzen zaituen izaki ikusezinari aurre egiteko gauza zinateke ? Eta izaki horiek bizirik baleude eta gizakiak kanporatzeko haien borrokaren erdian bazeunde ? Binek eta Lunak badute horren berri, beraiei gertatu egin zitzaielako.

Haurrak bere jakin-mina galdera batetik bestera jauzi eginez asetu nahi du. Umeak, barne mundu bat eta kanpo mundu bat lotu nahi ditu, kontzeptuen eta esnahien arteko borrokaren eta ezagutzaren bidez. Eta hori da, hain zuzen, ahozko literaturaren iturrietatik gertuko hizkera darabilen ipuin honen protagonistaren ibilbidea.

Aitor bere neskarengandik banatu denetik gaizki pasatzen ari da eta bizitzaren aurrean ez du ilusiorik, bizikletan ibiltzeko ez bada. Horrelaxe ezagutuko du neska bat, eta liluraturik geratuko da. Baina neska hau ezagutzeak buruhausteak baino ez dizkio ekarriko Aitorri, ustekabean hilketa batean inplikaturik egongo baita. Kontakizuna ez da oso erreala, eta tamalez, egileak ez du lortzen irakurlea emozionatzea. Pertsonaiak oso lauak dira eta bai pertsonaien jokabidea eta baita ekintzen garapenak ere ia-ia hasieratik aurreikusten dira.

Isadora Moon desberdintasunak egiten du berezi. Isadoraren ama maitagarria da eta aita banpiroa, eta berak bietatik gorde du zerbait. Ikaragarri gustatzen zaizkio gaua, saguzarrak eta bere tutu beltza; baina baita eguzkiaren argia, hagaxka magikoak eta Pinky, arrosa koloreko bere untxia ere. Eskolara joateko unea iristen zaionean, Isadorak ez daki bietako zein aukeratu: maitagarriena ala banpi- roena?