124 Document (s)

Liburu interesgarri eta entretenigarri honek 100 kontu biltzen ditu musikari buruz jakiteko: landareak lasterrago hazten dira musika entzuten badute; musika-nahasketa bat sortu zuen Nasak extralurtarrentzat; txoririk ederrenak dira abeslaririk kaskarrenak; bi Mozart izan ziren baina batek bakarrik lortu zituen fama eta loria; musikak salba litzake galzorian dauden hizkuntzak; sendagile batzuek armonikak errezetatzen dituzte; igerilari sinkronizatuek hezurretan aditzen dute musika, Musikaren unibertso liluragarria hobeto ezagutzeko tresna bikaina etxeko gaztetxoei zuzenduta. Eta zergatik ez, musikaren inguruko jakin-mina asetu nahi duten helduentzat ere.

Liburu interesgarri eta entretenigarri honek 100 gauza biltzen ditu janariari buruz jakiteko: 40.000 erle behar dira sagasti bat sagarrez betetzeko; gizakiek marrazo gehiago jaten dituzte, marrazoek gizakiak baino; %50eko aukera duzu brokolia gorrotatzeko; fruitu gorriak jateak bihotzaren osasunari laguntzen dio… Janariaren gaia hobeto ulertzeko tresna bikaina etxeko gaztetxoei zuzenduta. Eta zergatik ez, janariaren inguruko jakinmina asetu nahi duten helduentzat ere.

Zientzia mundua aztertzeko modua da, nola funtzionatzen duen jakiteko. Liburu interesgarri honi esker, gaztetxoek zientziaren mundu liluragarrian murgiltzeko aukera izango dute; Zer da Unibertsoa? Zenbat bihotz dituzte olagarroek? Nola laguntzen diete narbalek ozeanografoei? Zergatik da ezaguna Marie Curie zientzialaria? Eta Einstein? Zein da gogorragoa, altzairuzko haria ala armiarma-zeta? Zertarako erabiltzen da elektrizitate estatikoa?... Ezagutza liburu honek galdera horiei guztiei erantzuten die. Argibide zehatzek eta koloretako irudi ikusgarriek osatzen dute liburua.

Ba al zenekien zientzialariek artilezko jertseak egiten dituztela pinguinoak salbatzeko? Eta hazi banku batek laboreak klima-krisitik babesten dituela? Pertsonak bezala tratatzen baditugu, jaguarrak salbatu ditzakegula, ura aurrezten dela hanburgesa gutxiago janda, eta basoa babestuta, itsasoa ere babestu dezakegula. Liburu entretenigarri honek planeta salbatzeko burutu ditzakegun hainbat ekimen jasotzen ditu.

Historianautak denboran atzera joan dira Bikingoen Arora, eta zure laguntza behar dute iraganeko sekretuen berri jakiteko. Janaria bilatuko dute, errunak deszifratuko dituzte, hilobi-itsasontzi ederren berri ikasiko dute eta bikingoen arpilatze baten nondik norakoak ezagutuko dituzte. Bat egin historianautekin! Istorio bat, gertakariak eta jarduerak modu zirraragarrian nahasirik. Historiari bizia emateko modu ezin hobea!

Linternarekin irudiak aztertu eta iluntasunak gorde duena deskubritu. Ikasi eta oso ondo pasatuko duzu!

Istorioa bizitzeak aukera emanen dio haurrari bere sentsazioak entzuteko, tentsioak kanporatzeko, hatsa hartzen ikasteko... Igo autobusean eta etorri gurekin altxorraren bila, ea nolakoa izanen den!

Goi-mendietan ur-txirrio mehe bat sortzen da eta, pixkanaka, erreka txikiek harekin bat egiten dute, munduko ibairik handiena osatu arte. Kontinentea alderik alde igarotzen du, oihan mardulak zeharkatzen ditu eta, azkenean, itsasoan isurtzen ditu urak. Kosk egiten duten pirañak, anakonda erraldoiak? planetako ekosistema harrigarrienaren etxea da ibai ahaltsu hau

Animalia prehistorikoak ugariak eta anitzak izan ziren. Lehen organismoen agerpenetik, forma bizidun berri eta ezberdinak sortzen joan ziren inguruneari moldatzeko borroka etengabearen ondorioz. Aldagarritasun horren erakusgarri dira ahate baten zabalerako hegalak dituen burruntzia edo katu baten tamainako zaldiak. Liburu honetan animalia prehistorikoei buruzko datu eta bitxikeria guztiak aurkituko dituzu. Horrez gain, alearen amaieran dagoen «HOMINIDOAK» atal bereziarekin gozatu eta ikasi ahal izango duzu.

Ilunabarretik egunsentiraino, animalien bizimodu sekretua ezagutuko dugu, edertasun handiko irudien eta istorio zirraragarrien bitartez. 40 espezie baino gehiago ikus ditzakegu beren inguru naturaletan, eta horien guztien deskribapenak ditugu liburu amaieran. Ilargiaren magiaren argitan egingo dugun ibilaldi honetan, hurbil-hurbiletik ezagutuko ditugu animaliak.

·Nola konpondu zuen Van Gogh-ek iluntasunaren arazoa Gau izarratua margotu zuenean? ·Zer da New Yorken bihotzean dagoen espiral zuri itzel hori? ·Zertarako erabiltzen zen kamera iluna? ·Nola lortu zuten Ozeaniako biztanleek Rapa Nuiko erraldoi bikain horiek eraikitzea? ·Lagun minak al ziren Leonardo da Vinci eta Michelangelo? Liburu honetan galdera horien guztien erantzuna aurkituko duzu. Argitasun handiz erakusten digu artisten eguneroko lana. Maisu ospetsu nahiz anonimo izan, haien maisulan amaituak erakusten dizkigu. Margolariek, eskultoreek edo arkitektoek mendez mende eta bost kontinenteetan erabili izan dituzten teknikak agertzen dizkigu, eta obra baten edo monumentu baten testuinguru historikoa azaltzen digu. Arteari buruzko mundu osoko ikuspegi kronologikoa, forma artistikoen eraginak eta bilakaera ulertzen laguntzeko. Kolore biziko irudi ederrez hornitua; irakurle gazteei zuzendua izan arren, helduentzat ere interesgarria.

Liburu honek mundu honetan bidelagun ditugun izaki fantastiko horiek ezagutzera gonbidatzen gaitu, haurren begiradatik eta haurren ilusioarekin. Ezberdinarekiko errespetuaren alde egi- ten dugunean konturatzen gara geure kondairak eta kultura maiz uste duguna baino askoz unibertsalagoak direla. Lurra eta eskaintzen dizkigun leku guztiak zaintzera bultzatzen gaitu, haurtzaroko ohiko nobleziarekin eta mirespenarekin.