5 Document (s)

Amama (DVD) - Elias Iraia, Kandido Uranga, Asier Altuna: Familiarteko istorio bat. Baserriaren eta kalearen arteko gatazka, tradizioaren eta bizimodu berriaren arteko talka, gurasoen eta seme-alaben arteko ezin ulertua. Tomas eta Amaia, aita eta alaba, bizitza ulertzeko eta bizitzari aurre egiteko bi modu dira, elkarren aurka. Eta badoan mundu baten eta badatorren beste baten aurrean, lekuko isila, amama.

Ekaitza lehertu da landako lan egun gogor baten ondoren. Atertu duenean, bizitza erne da lehen agor zen lurretik. Fruitu bat hazi eta heldu da, bizirik eutsi die izurrien erasoei, eta sagardoaren bizigai izango den sagar bihurtu da. Orduan, uzta ospatzeko tenorea da, topa egitekoa eta maitasunaren festan murgiltzekoa. Bizitzaren zikloari buruzko istorio bat, bizirik irauteko borrokarena. Horretan, denboraren iragatea naturaren ibilbideak markatuko du. Eta dantza da hori kontatzeko hautatutako hizkuntza. Musikak eguneroko zereginei lagunduko die. Bizitza erritmoa da! Gai unibertsalak, hemen sinbologia berezi batez jantziak. Dantza tradizionalen unibertso hipnotikoari dagokiona. Tradizioari, lurrari, haren jendeari, mitoei eta ohiturei egindako kantu poetiko bat. Izatearen mirariari buruzko kontaketa bat.

Lehen karlistaldian borrokatu ostean, Martin etxera itzuliko da, eta han, harrituta, bere anaia Joakin ohi baino askoz handiagoa dela ikusiko du. mundu osoak lurreko gizon handiena ikusiteko ordaindu nahi izango duelakoan, bi anaiek bidaia luze bati ekingo diote. Anbizioak, diruak eta ospeak betirako aldatuko dute familiaren patua.

Aneren bizimodua goitik behera aldatuko da, aster-astero, etxean lore sorta bat jasotzen hasten denean. Beti ordu berean. Beti modu anonimoan. Lore misteritsu batzuek aldatuko dituzte Lourdesen eta Tereren bizimoduak ere. Ezezagun batek lore sorta bat utziko du astero, eurentzat hain garrantzitsua izandako norbaiten oroimenean. Hiru emakumeren istorioa da hau; lore sorta xume batzuek gotik behera aldatuko dituzten hiru bizimodu. lore horiek ahaztutzat zituzten sentimenduak azaleratuko dituzte... Baina, azken batean, loreak baino ez dira.

Khalil, industrialguneak, ibaiak eta padurak bat egiten duten hiriko periferian bizi den gazte deserrotua da. Khalilek ahal duen moduan egiten du aurrera eta ibai ertzeko etxea anaiarekin konpartitzen duen furtibo zahar batekin pasatzen ditu egunak. Mareek, paduraren uhertzean, maitasuna eta desamodioa, kidetasuna eta mendekuaren denbora markatzen dute. (1 / 7)