268 Document (s)

Ada Goth aitarekin bizi da Ilunpe Jauregi zaharrean. Zerbitzariek eta mamu batzuek bakarrik egiten diete lagun. Lord Goth da Adaren aita eta uste du umeak entzun bakarrik egin behar direla eta inola ere ez ikusi. Beraz, alaba bota astun eta zaratatsu batzuk jantzita ibiltzen da, aitak non dabilen nabari dezan. Etxe misteriotsuko korridoreetan atzera eta aurrera igarotzen ditu Adak egunak, eta halako batean, hil berria den sagu baten mamua aurkituko du. Lagun berriarekin batera, Ilunpe Jauregiko txoko ezkutuenak ezagutuko ditu.

Uau! Lord Gothen literaturako txakur lehiaketak hankaz gora jarriko du Ilupe Jauregia. Erbi txakurrak, canicheak eta ehiza-xakurrak prest daude euren trebetasuna erakusteko. Hala ere, jauregian gauza kezkagarriak gertatzen ari dira. Ulu ikaragarriak entzuten dira, eta kanpoko norbaitek lehiaketa hondatuko duela pentsa liteke. Lortuko ote d Adak misterioa argitzea, hurrengo ilargi betea izan baino lehen?

Dunnottarreko gazteluan Eskoziako Robert Bruce errege ospetsuaren ezpata dago. Erlikia ikusgarria da eta, lehenbiziko aldiz, jendaurrean erakusiko dute.

Faraoi baten hilobirako labirintoan ez galtzeko ohola da lapurtu dutena. Aurkitzeko, Larry lehengusu traketsaren, Mister Kent detektibearen eta Watson katuaren laguntza du Agathak.

Aingeruak zeruan bizi badira, zergatik ez dira jaisten noiz edonoiz lurrera? Edo beharbada jaisten dira guk ikusten ez ditu-gunean? Edo, beharbada, ezin ditugu ikusi arrazoiren baten-gatik. Eta, orduan, badago aingeruak ikus ditzakeen jendea?Nork ikus ditzake aingeruak? Zer egin behar du horretarako?

Amaia Lapitz eta Didoren ermandade sekretua, Katixa Agirre Miguelez, Alex Orbe Ferreiro (IL.): Mexikoko gertakarien ondoren, Tunisiara joan da Amaia Lapitz, ama eta amonarekin batera oporrak pasatzera. Lasaitasun gutxi izango dute, ordea: batetik, Udaberri Arabiarraren hasierako matxinada egokituko zaie parean; bestetik, Kartago zaharreko hondakinen misterioan nahastuko dira, nahi gabe. Eta Amaia, bere lagun Leila eta Tarekekin batera, abentura berri batean murgilduko da, arrisku eta emozioen artean Tunisiatik Londresera eramango duena.

Amaia Lapitzek nahiago luke uda Irlandan igaro, bere lagunen antzera, baina horren ordez ama arkeologoa lagundu beharko du Palenquera, Mexikoko hondakin maien eremura. Bertan emandako lehenengo gauean, deskubrimendu izugarri bat egingo du Amaiak: aztarnategiko zuzendariaren gorpuarekin egingo du topo. Poliziak gauzak argitzeko baino interes gehiago daukanez errua indigena zapatistei leporatzeko, Mario izeneko lagun egin berriaren laguntzaz kasua argitu beharko du gure protagonistak.

Hiru osagai ditu liburu honek: ipuinak, poemak eta haikuak. Liburuaren izenburua bertako le-henengo ipuinarena da. Baina ipuin guztiak ez dira barregarriak, badaude liburuan gai serioak ere, eguneroko bizitzan aurki ditzakegunak: heriotza, ezinduak, Down sindromeaà Poemak ere batzuk umorezkoak dira eta beste batzuk sakonagoak, filosofikoagoak. Haikuak, berriz, denak zehatz neurtutakoak dira: hamazazpi silaba hiru lerrotan banaturik.

Moskun bizitako abentura ahaztezinaren ondoren, oraingo honetan, Kairora eramango ditu Uxue eta Jokin amaren lanak. Bertan, gaur egungo eta antzinako Egipto nahasiko dituen misio baterako laguntza eskatuko die emakume misteriotsu batek. Nor da Nadia? Nor izan zen Tiy erregina? Eta zein da bere edabearen boterea?