8 Document (s) trouvé (s)

Uda, asteburu luzea, txangoa. Geure buruari opa diogun gozamen tartea da oporraldia. Atseden hartu eta indarrak berritzeko sasoi irrikatua. Beti ez dira gauzak espero bezala gertatzen hala ere. Desegokia suerta daiteke bidaidea, nahas liteke giroa edo trakestu familiako bakea. Zapuztu gaitzake ekaitzak, mehatxatu istripuak edo durduzatu ezustekoak. Nabarmen urtarrak eta naturaren atseginari lotuak dira narrazio hauetako asko. Baina bizipozaren ifrentzuak ere badu bere taupada: iraganeko zoriona berritu ezinak dakarren sosegu eza. Halaxe aurkezten dizkigu oporrak Harkaitz Canok ipuin-liburu honetan: hari deitu gabe hura iristea bat-batean: azken uda.

Ainhoa mirariz jaio zen La Pazen (Bolivia) Amanda ama atentatu parapolizial batean eraila izan ondoren. Kuban hazi eta 1988an, 21 urterekin, Euskal Herrira abiatuko da Manex aitaren herria ezagutzera. Gatazka errepresibo betean, Josune kazetari konprometitua eta bere lagun koadrila ezagutuko ditu. Horietako bat heroina gaindosi baten ondorioz hiltzen denean, Ainhoak eta Josunek bidaia iniziatiko bati emango diote hasiera Libano, Afganistan eta Marseilla hiritik barrena. Gerra Hotzaren azken urteak dira eta biak ala biak narkotrafikoaren sareak eta azpikeria politikoek bat egiten duten mundu ilunean barneratuko dira.

Ipuin grafiko batek eta hamaika kantuk osatzen dute argitalpen hau, Antton Olariagaren marrazkiek, Harkaitz Canoren hitzek eta Jexuxmai Lopetegiren musikaz josia. Txakur baten hausnarketek izatearen oinarrizko zalantza eta galderetara eramango dute irakurlea, bidaia zirraragarri baten barrena. Izan ere, lauzango existentzialista honen ahotsa ez da edozein bizangorenaren oso ezberdina. Txakurrak berak esana da: ôJe suis un chien existentialisteö.

Lesterrek bere logika du, oso logika logikoa bere ustetan, nahiz eta askotan bee logika eta besteena bat ez datozen. ô Jende normala ez da existitzen. Normalaren antonimoa da berezia, eta denok gara bereziak. Baina horrek ez du esan nahi anormalak garenikö. Lesterren logika oso arrazoizkoa da, ez dena logikoa da horrek hainbeste arazo sortzea berari. Errealismo sozialean kokatzen den nobela labur honen protagonista Lester da, hamar urteko mutila. Makina bat pasadizo autonomoetan bere buruaz eta inguruaz hitz egiten digu, bere izaera ôbereziaö erakusten digun bitartean. Lesterren pentsamendu bideak galbahe berezi batetik pasaraziko du inguruko errealitate gordina: etxeko langabezia, aitonaren heriotza, auzoko giro bortitza, eskolako arazoak. Ibilbide honetan bidelagun berezi bat du, Hiner jauna, Lesterren etxeko eskailera zuloko gela ezkutu batean bere burua gordetzen duen ez dakigu nondik etorritako ôhomlessö bat. Honi esker bizitzaren alde ilunenak ezagutuko ditu, beti ere hamar urteko haur baten begiradapean. Dena ez da iluntasuna, Paolaren eskutik maitasunaren lehen zirrara sentituko du.

Dani Fanoren akuiluari esker sortzen da Iñaki G. Holgado marrazkilariarekiko harremana. Elkarlanean egindako lehen lana da Piztia otzanak: Travis amnesikoaren istorioa, suspentsez blaitua eta Xabiroi aldizkarian atalka emana izan ondoren album formatuan argia ikusi zuena.

Soldatapeko bi hiltzaile enkargu bat burutzear dira AEBetako New Orleans sargori eta umelean. Metamorfosi batek, baina, ezusteko gertaeren kateaketa bat ekarriko du. Giza Otsoa bezalako mito klasikoak literatura beltzarekin edo Quentin Tarantinoren zinemarekin elkartzen diren bidegurutzean kokatzen da Zebra efektua. Baina hori baino askoz gehiago ere bada: esklabotzarekin lotutako hari korapilatsu bezain sotilak ûgaurdaino iristen direnakû agerian uzten dituen istorio biribila. Jar zaitez protagonisten larruan: nola jokatuko zenuke zuk ustekabean zeure azalaren kolorea aldatuko balitz?