2 Document (s) trouvé (s)

Aurri gara, Izaki Gardenak: Jon Basagurenen kantak, zerbaitengatik, esanahi eta indar berezi bat dutela ohartu gara aspalditik. Konposizioen kalitateaz gain, taldean lortzen duten interpretazio mailak ere harritu egin gaitu hasiera-hasieratik. Taldearen bigarren disko luzea dugu honakoa, Aurri gara izeneko hau. Hats eta indarrez beteriko kantuak ditugu, nortasun berezkoak, ameslariak eta telurikoak era berean, urratzaileak eta samurrak batera, bizirik diren ametsen tankerakoak.

Izaki Gardenak taldearen disko berriena "Dena Oskol" izena darana. Sevilla hiriko La Mina estudioetan grabatua izan da Raul Perez soinu teknikariaren gidaritzapean eta taldearen estudioko laugarren emaitza da. Diskoaren grabaketan Jon Basaguren (ahotsa eta gitarra), Libe Garcia de Kortazar (teklatuak, ahotsak), Dani Arrizabalaga (bateria), Fede Egiluz (baxua) eta Danilo Foronda (gitarra) hartu dute parte. Zuzeneko emanaldietarako, ordea, Daniloren ordez Joseba Baleztena ariko da gitarra astintzen. Musikalki taldeak aurrez landutako musika bidean sakontzen du, pop rock giroak nagusi, amerikana bezalako soinuen zertzeladez. "Dena Oskol" diskoa Erraiak diskoetxeak kaleratu du.