7 Document (s) trouvé (s)

"Erikor baina ez hilkor" erran zaharrari arrazoi eman dio liburu honen idazleak. Biriketako ahuleziarekin sortua, beti eztulka eta sukartsu, Daniel Landart donostiritar laborari semeak ez du baserriaren segida hartu, ez eta ikasketa luzerik egin. Halere, berrogeita hamar urtez lanean ari izan da! Gazterik hilen zela beldurrez, haurtzaroko oroitzapenak Aihen ahula liburuan plazaratu zituen. Hirugarren argitalpena agortua izanez, eta gainera, segida bat aspaldian hitzemana baitzuen, paradaz baliatuz, zaharberritze eta osatze lan bat egin du. Ahularen indarra izenburu berdinarekin bi liburu izanen dira. Lehen honetan, bi zati daude: "Laborari semea" deituan, Aihen ahula liburuan agertzen ziren istorioak osoki berriz idatzi ditu eta gai berriak emendatu; bigarren zatian, aldiz, inprimeriako eskulangile baten eguneroko bizitza kontatzen digu. Bigarren liburuan agertuko dira abertzale eta euskaltzale gisa ezagutu dituen zorionak eta tirabirak. Laborari seme, eskulangile, abertzale eta euskaltzale xume batek eskainitako lekukotasun arraroa.

Synopsis Enbataren zirimolan, Daniel Landart: Ahularen indarra lehenbiziko liburukian laborari seme eta eskulangile baten oroitzapenak xeheki aipaturik, bigarren honetan Daniel Landart baxenabartar-lapurtarrak beste bi zati luze eskaintzen dizkigu abertzaletasuna eta euskalgintza argitan ezarriz. Gazte-gazterik Enbata mugimenduan sarturik, hamar urteko militantziaren berri ematen digu (1965- 1974), gertakari hunkigarri eta bortitz batzurekin batera anekdota arin andana bat kontatuz. Garai hartako giro orokorra nolakoa zen, Aberri Egunak, hauteskundeak, abertzaleen arteko zatiketak, manifestaldiak, euskal iheslari politikoen eragina, debekuak, beldurrak eta itxaropenak; baita ere ogibidez euskal kulturgintzan iragan zituen hogeita bost urteak, horiek oro aurkituko dituzue liburu honetan. Euskaltzalea zatian aldiz, Daniel Landart mintzo zaigu hain gogokoak dituen antzerkiaz, bertsolaritzaz eta literaturaz. Liburuan zehar, sekulako izen-deiturak agertzen dira, gehienak liburu honen idazleak pertsonalki ezagutu dituenak: ôHorietarik bakar batzuk baizik ez dira herritarren memorian geldituko, baina bakoitzak merezi zuen aipatua izatea, ekarpen ttipienak berak, osatzen eta handitzen baitu Euskal Herriko historia.ö Avec son précédent ouvrage « Ahularen Indarra » Daniel Landart abordait sa vie de fils d’agriculteur. Avec ce deuxième volet le bas navarrais-labourdin revient sur le mouvement abertzale et la naissance du mouvement Enbata.

62 idazleren testu, poesia eta bertsoak elkartu ditu Daniel Landartek 'Etxea eta Etxekoak' liburuan

Kontakizun desberdinek osatzen dute Jendeak liburua. Ipar Euskal Herriko laborari munduan kokatuak dira, XX. mendeko bigarren zatian. Jende horiek -haur, gazte, xahar- adin batera helduak diren guztiak ezagutu dituzte, edo bederen, noizbait, nonbaitik, zerbait entzun dute.