Fedea izatea ez da ezer jakitea. Itxaropena izatea da batez ere, edo, hobe esanda, itxaropena izan nahi izatea. Horregatik, nahiak aldarteen gora beherak izaten dituenez, fedea eta itxaropen gogoa berritu egin behar izaten dira eten gabe. Eta kantua da horretarako biderik emankorrenetakoa.
Gure herri abestietan, erlijioari lotutakoak benetako altxorrak dira. Beren egituraketa melodikoa, arima arintzeko burutua da nonbait eta astez aste, urtez urte, funtzio lasaigarri hori bete izan dute. Kantuok berez duten dimentsio musikalak kristautasunaren eremuak gainditzen ditu eta, zuzenean, erlijio eta filosofia guztien gainetik izpiritualitatearen esparruan kokatzen dira.
