685 Document (s)

Istorio entretenigarri honen protagonistak zulo bat egin du lurrean, bertan hazi bat utzi du eta egunero joaten da ?txori baten begiradapean? hazitik sortu beharko lukeen lorea hazten ikusteko asmoz. "Beti bezala, ezer ez?", egiten du bere baitan Luis jaunak, ezer ez dela ernetzen ikusita. Harik eta egun batean... "Beti bezala, ezer ez?" oso erraz ulertzen den testu bat da, hausnarketara bultzatzen duen mezu eder batekin: pazientzia eta iraunkortasuna zeinen probetxuzkoa den munduan gure lekua aurkitzeko. Hazi baten ernetze eta landarearen hazte prozesuaren bitartez Christian Voltzek ?umore eta samurtasun ukitu batekin? eguneroko bizitzaren eta frustrazioen metafora bat osatzen du.

Auzoko bi baserritan bi ahuntz bizi dira, eta lagun handiak dira biak! Egunero berriketan aritzen dira gogotik, eta hesiaren gainetik aza eta arbi zatiak botatzen dizkiote elkarri. Baserritarrak konturatzen direnean, haserretu egiten dira, eta edozer egiteko prest daude bi ahuntzen bihurrikeriak geldiarazteko. Lortuko ote dute?

Ebakin eta kolore biziz betetako liburu bat, non istorioa magiaz bezala gertatzen den. Txikienei liburuak maitearazteko ipuin bat.

Animaliak martxan, 1etik 10era arte. Eta oraingoan nora joango ote? Konta-kantatzeko festa giroko errimak.

Zientzialari erretiratu batek, barraskiloen aditu bati egindako irrati-elkarrizketa bat entzun berritan, lorategiko barraskilo oso arraro bat topatu zuen halabeharrez: haren oskoleko kiribilak ez zuen gainerakoek bezala bira egiten, baizik eta kontrako zentzuan. Alegia, eskuin aldera egin beharrean, ezker aldera. Maria Popovaren liburu liluragarri honek, zeina The Marginalian blogean idazteagatik ezaguna baita, barraskilo txikia kaxa eroso batean ikertzaileari bidaltzea erabaki zuen zientzialari jakintsuaren istorioa kontatzen du, ?haren berezitasunak sekretu ederren bat gordetzen bazuen, sekretu hura agerian jartzea espero izanda?? eta baita keinu txiki horrek eragin zuen guztia ere.

Nor ari da adar artean karranka ? Eta nor dago zuhaitzean ezkutatuta ? Tira egin azal-hegaletatik eta aurkitu basoan bizi diren izaki liluragarriak.

Bilatzen batzutan ikusten ez ditugun arren, hurrean dauden gauzak eta pertsonak aintzat hartzen laguntzen digun istorio bat da. Bilatzen anima zaitez !

Istorio zirkular polit eta jostagarria. Testuaren erritmo zaindu eta errepikapenei esker, entzuteko plazerra garatu eta ahozkotasuna lantzeko egokia. Sukaldean, Neskatxi ilarrak garantzen ari da. Hara! Ilar errebelde bat! Ilar batek ihes egitea lortu du eta bira, bira, biraka armairuaren azpian ezkutatu da, eskailerapean, legar artean, lokatzetan... Saguak, katuak, untxiak, oiloak, txerriak, otsoak gustura jango lukete! Baina... bira, bira, biraka ilarra pirika doa. O! Zulo batera jausi eta libre haziko den arte.

Bakarrik eta beldurtuta bizi da Elise. Egun batean, zerbait arraroa sartuko zaio hegan leihotik etxe barrura. Eta biharamunean bisita bat izango du: dena aldatuko dion bisita. Istorio atsegin eta eder bat, non jakin-minez beteriko ume batek andre baten bakardadean muturra sartzen duen. Horrela, nahi gabe, umeak argia eta kolorea ekartzen ditu andrearen bizitzan. Hiru dimentsiotako agertokiak marraztu eta muntatu eta gero horiei eginiko argazkiekin ilustratu du Antje Dammek liburu zoragarri hau, istorioarekin bikain bat eginez. 4 urtetik aurrera

Bakardadeaz eta isiltasunaz gozatzera animatzen duen album goxoa. Proposamen originala eta beharrezkoa zarataz eta soinu-kutsaduraz gainezka dagoen gizarte batean. Axerikumea bakarrik geratzen da gordelekuan, eta amak atea inori ez irekitzeko esan arren, bisita harrigarri bati sartzen uzten dio: Isiltasunari. Mesfidantzaz eta beldurrez betetako une batzuen ondoren, dantzarako musikarik behar ez dela ikasiko du gonbidatuarekin batera, nahikoa da bihotzaren taupadek markatzen duten erritmoei jarraitzea. Edo lasaitasuna eta sosegua behar direla geure pentsamenduak entzuteko. Irakurketa ugari dituen albuma. Testu arin eta samur baten eta kromatismo gainezka eta ñabarduraz beteriko proposamen grafiko baten arteko oreka nabarmentzen da.

Zain eta zain egoten zen, baina bisitarik ez zuen izaten. Harik eta hontzak ulu egin, haizeak putz egin, eta atea ireki arte: orduan zera sartu zen...

Hamaika bizitza ilunabarraren epelean. Hamaika abentura irudimenaren erresumean...

Bizitza txiki-txiki hasten da, baina berehala hazten da, eta batzuetan erraza ez bada ere, beti eskaintzen dizkigu gauza miresgarriak eta bide berriak.