685 Document (s)

Lorategi batean itxirik bizi dira elefante-kume emeak. Paskualina da haietako bat, baina, besteek ez bezala, ez du lortzen bere azala arrosa eta leuna izatea. Aitak eta amak, etsiturik, itxura hori izatera behartzen ez dutenean, Paskualina askatasuna zer den ohartuko da, eta berdintasunerako bidea irekiko die bere lagunei.

Udaberriko egun eder batean, bi dortoka gazte eta ederrek, Arturok eta Klementinak, elkar ezagutu zuten aintzira baten bazterrean. Eta, arrats hartan bertan, ezkontzea erabaki zuten... Arturoren eta Klementinaren arteko harremanean ilusioa eta maitasuna dira nagusi hasieran, baina, pixkana, monotonia eta kartzela bihurtuko da. Klementina ez da zoriontsu eta bere buruaren jabe sentitzen, ezin ditu garatu bere gaitasunak; Senarrak gutxietsi egiten ditu emaztearen gaitasunak, eta irri egiten die haren ametsei. Ulerbera izan beharrean, errespetuz jokatu beharrean, Arturok emaztearen nortasuna ahultzen du, eta mendekotasuna sortzen. Hainbeste gauza izateak, jakina, ez dio asetzen Klementinari pertsona modura garatu nahia.

Zer gertatuko litzateke liburu hau gehiago zabalduko ez balitz? Hondamendia litzateke Bibliusentzat... Orrialdeen artean giltzapetuta geldituko litzateke betiko. Lagundu egin behar diozu. Bilatu formula magikoa, eta askatu liburu hau!

Liburu honetan basoko bost animalia aurkitu behar dituzu, piktogramen laguntzarekin eta argibideei jarraituz: non bizi diren, zer jaten duten, zer itxura duten… Orrialdeetan aurrera egin ahala, irudi bat osatzen joango da, animalia guztiz agertu arte. Bukaerara iritsi aurretik ezagutuko ote duzu?

Minimoni handitu egin da eta,n margotzen jarraitzenbadu ere, beste gauza asko ere egiten ditu : txangoak, astelehenero ikastetxean bere lagunekin elkartu, hockeyan aritu, liburutegian irakurri, amonarekin jolastu.. Baina igandeetan ez dago egitekorik ezer. Hau asperdura ! Edo beharbada ez ?

Ukimena lantzeko eta oinarrizko kontzeptuak ikasteko kartoizko liburu bereziak. Erliebean dauden irudi koloretsu eta deigarriei esker, etxeko txikienek formak eta aurkakoak diren kontzeptuak ikasiko dituzte jolasten duten bitartean.

Bizitzan dena aldatzen da, etengabe... Esaldi honek laburbiltzen du ilustrazio simple bezain ederrez hornitutako liburu honetan lantzen den gaia: denborak eragiten dituen aldaketak. Beldarra tximeleta bihurtzen da; harri batetik eskultura bat sortzen; ardiaren ilea artil bihurtzen da; txita txikia, beltxarga; egunaren ondoren gaua dator, eta gauaren ondotik, eguna... Orriz orri, irudiz irudi, bidaia poetiko bat proposatzen digu, bizitzari eta denborari buruzko galderak, pentsamendu edota sentsazio desberdinak eraginez. Adin guztietako irakurleak liluratuta utziko dituen testurik gabeko album grafikoa.

Ibilgailuen eta animalien formako kartoizko orriak eta xehetasunez betetako irudiak, behatzeko ohitura garatzeko eta hitz berriak ikasteko.

Gurpilen gainean gertatzen den ipuin errimatu eta kateatua. Eta gurpil horiek ez dute izango hainbeste eta hain desberdinak eta aldrebesak diren bidaideen pisuari eusteko beste sendotaunik.

Bost azeritxo muturgorri, elurretan, zer berri? Elurretan itzulipurdi, irringarri eta bihurri.

Erregina horrela jaio zen, erregina zela, sehaskatik koroa jantzita. Gozokiak ezkutatzen dituen koroa, baino... ez zaio ezer gustatzen. Eskolan, boltereta galarazten dio, eta dena hondatzen du ezkutalekuan jolasten nahiz jai batean gozatzen saiatuz... nola kendu gainetik ezertarako balio ez duen gauza gogaikarri hori?

Irakurtzen ikasten ari diren bost urtetik aurrerako haurrentzat ipuinak sortu dira Kimu bilduman. Badauzkat nire zulotxoan… ipuinaren kasuan, Alaine Agirrek eta Irrimarrak hitzak eta irudiak elkartu dituzte negua pasatzeko janaria biltzen ari den urtxintxaren istorioa kontatzeko. Ipuinean bada, ordea, etengabe presente dagoen beste protagonista bat ere. Bukaerara arte, baina, ez dugu jakingo nor den.

Aita-alaba batzuek elkarrekin eraikiko dituzte beren bizitzako oinarriak. Tresna bereziak erabiliz, lanari ekiten diote: oroitzapenak eraikiko dituzte gerora miresteko; etxe bat, biak babesteko; eta maitasuna, barrua berotzeko. Istorio nonahiko eta berezi bat gurasoen maitasun mugagabeaz, bizitzako aukera ugariez eta elkarrekin etorkizuna eraikitzeko behar ditugun gauzez. Oliver Jeffers artista arrakastatsuak eraikia.

Klimaren lagunak kanpatzera joan dira eta izarrak ikusi nahi dituzte. Baina azeria nekatuta dago. Ez du ondo lo egin. Hontzak dioenez, inguruko argi guztiengatik gertatu zaio hori. Argia ona da, energia ematen baitigu, baina iluntasuna ere behar dugu. Eta batzuetan, ilunpean argitan baino gehiago ikus dezakegu… Ekintza txiki batekin gauza handiak lor daitezkeela erakusten duen istorio polita. Bilduma honetako liburu bakoitzean klimaren lagunek abentura bat biziko dute, eta haien modura azalduko digute –maiz, era dibertigarrian gainera– zer egin dezakegun ingurumena zaintzeko.

Xabier txikia kezkatua dago, baita haserre samar ere, azken egunetan bere aitona Eusebio ez delako joaten bere bila eskolara. Hainbeste gauza ditu egiteko? Ahaztu al da bilobaz? Azkenean, kezka eta duda horien berri emango dio Xabierrek amari, eta orduantxe azalduko dio amak sekula ez itzultzeko joan behar izan duela aitonak. Xabier, ordea, tristatu beharrean, aitonak kontatu zion sekretu bat gogoratuko du Silvia Sommariva eta Giuditta Gaviraghi egile lonbardiarrek istorio xume bat kontatuko digute, eta hartaz balia gaitezke ume txikiei modu goxoan maite dugun norbaiten heriotza azaltzeko.