124 Document (s)

Laburpena : Noraino heldu zaitezke hegalak astinduz ? Txorien hegalek lumak dituzte. Pertsonen hegalek, hitzak. Baina hitz guztiek ez dituzte laguntzen gora egiten. Nola sentitzen zaren argiro esaten duten hitzek soilik areagotzen dituzte hegan egiteko dituzun aukerak. Emozioen hiztegia, Emoziotegia, baliagarria izango zaizu hegalak oso modu berezi batez astintzeko.... eta ez duzu nahi izango astintzeari utzi.

Irudiak liburuak dakarren kartoizko linternarekin aztertuz, iluntasunak ezkutatzen duen guztia deskubritu. Erdi Aroari buruzko xehetasun ugari ikasi eta ederki pasatuko duzu!

Nolakoak dira erlauntzak? Zer funtzio betetzen dute erreginak edo erle langileek? Nola biltzen dute eztia? Nola ekoizten dute? Nola komunikatzen dira elkarren artean? Zer produktu ematen ditu erlauntzak? Istorio baten moduan kontatzeko liburua, eta dokumental baten moduan ikustekoa.

Erleak eta lur-zizareak nahitaezkoak dira izadiarentzat, bioaniztasunarentzat eta gizateriarentzat. Ezagutu, hobeto babesteko. Gure etorkizuna dira. Irakurlea erleen etxera eta lur-zizareen tuneletara sartuko da ilustrazio bikainei esker, izadiko heroi horien bizimodua hurbilagotik ikusteko.

Nor ziren antzinako erromatarrak? Nora joaten ziren jatera, erosketak egitera eta garbitzera? Zer egiten zuten ongi pasatzeko? Liburu honetan aurkituko dituzu galdera horien erantzunak eta beste kontu asko antzinako zibilizazio honi buruz.

Racontant le cri d'un artiste contre la guerre, cet album évoque l'évolution de Picasso avant, pendant et après la guerre d'Espagne. A travers des reproductions de tableaux en couleurs, il montre l'enfance et la jeunesse du peintre. En avril 1937, Guernica est rasée par l'aviation allemande : l'album bascule en noir et blanc. Peu à peu, la vie reprend et la couleur revient.

Hobekien kontserbatzen den Kantauriko basoetako batera sartzear zaude, gure lurraldeko tontorrik garbienera igotzear, gure habitat guztietako animalia bitxienak ezagutzear, baita ia ikusezinak direnak ere. Iberiar penintsularen iparraldeko hainbat ekosistema eta bertan bizi diren ia espezie guztiak ezagutu ahal izango dituzu orrialde hauetan. Taldeka eta familien arabera antolatuta, gure lurraldeko 50 espezie enblematikoenen ezaugarri eta berezitasun guztiak ezagutuko dituzu. Presta zaitez kolore orotako animalia basatien mundua bisitatzeko; orrialde guztietan izango duzu aukera deskubritzeko nor ezkutatzen den.

Liburu honek ehun bat mokadu goxo biltzen ditu: landare jangarriak, gordinik edo kozinatuta jan daitezkeenak. Fruituak, zurtoinak, erraboilak, sustraiak, haziak, hostoak, loreakà baita horien lehengaietatik ateratzen diren produktuak ere, hala nola tea, kafea, marmelada, edo txokolatea. Espeziak, perretxikoak eta algak ere jaso dira. Batzuk oso ezagunak ditugu: esate baterako, mahatsa edo patata; beste batzuk, arrotz samarrak dira, hala nola karanbola, edo izen bitxia dutenak, Judasen belarria, kasu. Paule Lacroix ingenieritza agronomoko doktoreak irakurketa zientifikoa egin dio liburuari, eta bertan argi bereizten dira landarearen kontzeptu botanikoa eta sukaldaritzan eman zaion izena, jateko prestatzen denean sortzen dena. Bestalde, obra honek azpimarratu nahi du biodibertsitatearen, jasangarritasunaren eta elikadura osasungarriaren garrantzia. Kolorearen arabera sailkatuta, inbentario eder honetako fruitu eta barazkiak modu askotara agertzen dira: jatorria duten loreari loturik, naturan aurkitzen diren bezala edo bertatik bildu ondoren, osorik edo zatikatutaà Landareekin batera marraztu diren animaliak (intsektuak -erleak, kasu-, hegaztiak, narrastiak eta belarjale txikiak) lagungarri dira landare bakoitza bere ingurunean kokatzeko.

Arturo Campionek Itzaltzuko kondaira zahar bat hartu eta historiako une eta toki jakin batean kokatu zuen. Hortxe kokatzen dira Donejakue Bidea, mairuak, zaldunordeank, bardoak.... Ohar-papertxoz osatutako altxor txiki hau Asisko Urmeneta eta Edorta Barruetabeñak idatzi dute, Gartxot izeneko filmaren gidoilariak. Lehenengo zatian Gartxoten garaiko testuingurua erakusten dute eta "Erroak" deitu diote. Bigarren zatiari "Adarrak" deitu diote eta Gartxot ikur gisa hartu duten sortzaileen testigantza jaso dute bertan. Izan ere orduan hasitako konkista azken gabea den arren, euskaraz sortzeko gaitasuna ere halakoxea da: etenik gabea. Erdi-erdian Gartxoten kondaira aurkituko duzu, eta nahi izanez gero, hortik has zaitezke, izan ere, liburu hau batetik betera jauzika irakurtzeko modukoa da, bakoitzaren irrikaren arabera.

Ozeanoetan dago ugari baina baita geure negarrean ere. Deabruaren kontra balio omen du eta nerbio bulkadak transmititzeko ere bai. Himalayatik datorrena gutizia bihurtu da baina ez da batere merkea. Bere ustiapenak paisaia ezin ederragoak utzi dizkigu Euskal Herrian eta kontserbatzaile gisa izan duen garrantziak munduaren historia aldatu du. Antzina, erromatar soldaduen soldata ordaintzeko erabiltzen zuten eta egun, edozein sukaldetan aurkitu dezakegu arroka, altxor eta kontserbatzaile miragarri hau: gatza.

Murgil zaitez gauaren iluntasunean, eta behatu animaliei. Esku-argi magikoari esker, poliki-poliki, orrialde bakoitzean ezkutuan dauden milaka zehaztasun ikusi ahal izango dituzu.

Badakizu zure hezurrak, apurtuz gero, berriz osatzen direla? Eta gure azala superheroien jantziaren modukoa dela? Liburuaren barrualdeko hagalak altxatu eta zure gorputzaren funtzionamendua ezagutu.

Zergatik doa bihotza arinago beldurra dugunean? Nola ibiltzen da gure burmuina? Zenbat hezur eta gihar erabiltzen ditugu urrats bat emateko? Liburu honetan galdera hauen eta beste askoren erantzuna aurkituko duzu. Irudi zabalgarri ikusgarri, azal-hegal, grafiko elkarreragile eta gure organismoaren funtzioak eta organoak banan-banan azaltzen dituzten azalpen interesgarriekin gozatu eta ikasi ezazu. Zalantza guztiak argitu itzazu existitzen den makinarik perfektuenari buruz: zure gorputza!