124 Document (s)

Nondik datoz umeak? Nola sortzen dira? Zer behar dute? Aurkitu erantzunak irudi ederrez beteriko leihatiladun liburu honetan.

Kaixo, azak eta kalabazak ! Sukaldea da guretzat lekurik dibertigarriena, janaria prestatuz ondo baino hobeto pasatzen dugulako. Eta, gainera, norberak prestatutakoa askoz ere goxoagoa da. Liburu honetan errezeta erraz-erraz batzuk proposatzen dizkizuegu, gurasoekin edo aitona-amonekin batera egiteko. Oso errezeta osasuntsuak dira. Bapo afaldu ondoren, ez dago ipuin bat irakurtzea edo entzutea bezalakorik. Horregatik, janarien inguruko ipuin polit batzuk ere kontatzen dizkizuegu hemen. Orain zuen txanda da. Beraz, ez izan makalak, eta jantzi mantala !

Piztia txikiak edonon daude: lorategian, harri baten azpian, uretan, etxe barruan. Zuretzat, oso txikiak dira; haientzat, berriz, erraldoia zara zu! Ireki ondo begiak, eta ezagutu animaliatxo hauen bizimodu diskretu eta interesgarria.

" Begira sagar eder horri ! Nola hazi da ? "

Esku artean duzun liburuak sexualitatea modu argian eta hizkera zuzenean azaltzen die haurrei. Liburuak, ilustrazio erakargarri eta dibertigarri ugariren laguntzaz, familia baten istorioa kontatzen du eta, bide batez, haur bati sexualitatearen inguruan zortu dakizkiokeen zalantzak argitzen ahalegintzen da.

Ufaka eta jauzika ibiltzen dira, orro egiten dute, eraso egin ere bai batzuetan, animaliak ehizatzen eta irensten dituzte, eta batzuk beldurgarriak ere badira. Tatsu Nagata irakaslearen piztia handiak dira: balea, krokodiloa, gorila, hartza, otsoa, lehoia eta marrazoa.

El libro Txikichef cuenta con numerosos méritos para ser el elegido. En sus ciento sesenta páginas se recogen más de setenta y cinco recetas, que se acompañan de infinidad de imágenes de los jóvenes protagonistas, un total de veintitrés niños y niñas de entre 4 y 10 años de edad, aprendiendo el arte de la cocina.

Esperimentu-liburu hau ez da denbora pasatzeko esperimentu-liburu bat soilik. Liburu honek gidatu egiten ditu guraso eta irakasleak prozesuan zehar, umeengan jakin-mina piztu dadin eta problemak ebazten laguntzeko gaitasunak gara ditzaten, eta, hala, pentsaera zientifikoa izan dezaten. Bizitza errealeko esperientzien bidez, ume oso txikiak ere gai dira esperimentuak diseinatzeko, egindako aurrerapenak dokumentatzeko eta behar bezala emateko beren aurkikuntzen berri. Liburuan, jarduera erraz, dibertigarri eta esanahiz beteak aurkitzen dira, baina haren benetako balioa da guraso eta irakasleei laguntzen diela gauzak aztertzeko eta aurkitzeko sena pizten umeengan. Liburuak 100 ariketa praktiko biltzen ditu, eta zortzi kapitulutan banatuta daude: Landareak eta haziak Ura eta izotza Lizuna, bakterioak eta onddoak Ingeniaritza Janaria eta gozokiak Bikarbonatoa eta ozpina Ingurumen-zientzia Bizidunak Hemen ikusgai, liburuan jasotako esperimentu batzuk. Liburu honetako jarduerak erraz aurki daitezkeen eta umeen jakin-mina pizten duten materialen inguruan sortuak dira. Kapitulu bakoitzaren hasieran, jarduerarako beharrezkoak diren gaitasunak edo teknikak aipatzen dira, bai eta kapitulu horretan beharko den guztiaren zerrenda bat ere.

Elurra egiten du basamortuan? Zenbat ur eraman dezake hodei batek? Zergatik ez dute arrainek burbuilarik egiten arnasa hartzen dutenean? Nola edaten dute enarek? Zergatik esaten dute lurra planeta urdina dela? Urik ba al dago beste planeta batzuetan? Nola sortzen dira izozmendiak? Urak ez du sekretu gehiago izango zuretzat!

Lurra da gure planeta bakarra, baina orain arte ez dugu oso ondo zaindu. Ireki liburua, altxatu leihatilak eta ikusi zer ez doan ondo eta nola konpon ditzakegun gauzak: egin aukera ekologikoak, murriztu eta berrerabili, erabilera bakarreko plastikorik ez, zaindu erleak, bildu zaborra, erosi tokikoa...