13 Document (s) trouvé (s)

Baziren behin elkarrekin bizi ziren bi amonatxo: Antea eta Filipa. Egun batean, Anteak babarrun bat aurkitu zuen sukaldean baina lurrera erori eta babarrunetik landare erraldoia sortu zen. Hainbeste eta hainbeste hazi zen, zeruraino iritsi zen. Bi amonatxoak babarrun-landarean gora hasi zirenean, Filipa erori eta hamaika zatitan puskatu zen. Zorionez, Anteak batu zituen Filiparen zatiak eta, maitasunez, bihotzeko laguna biziberritu zuen.

Afrikako sabanan bizimodua ez zen erraza, ezta lehoiarentzat ere. Egun batez, halaxe esan zion bere buruari : "Ez al naiz ni animalien erregea? Bada garaia aldaketa batzuk egiteko agindua eman dezadan bizimodua errazagoa izan dadin niretzat."

Iparraldeko basoetan itsaso usaina dago, zuhaitzak altxorren gordeleku dira, lainoek misterioak ezkutatzen dituzte, haizeek mezuak daramatzate eta animaliak sekretu liluragarrien jabe dira. Urtxintxa maitemindu egin da baina Muxarrak, Hartzak, Hontzak eta Otsoak bere amodioa ulertuko ez dutenaren beldur, sekretupean dauka.

Azalpena Lan honetan, biloba batek hainbat galdera ditu amonari egiteko, eta hark ez du erantzunik. Izan ere, ez da beharrezkoa dena jakitea, dena ulertzea, dena aztertzea; askotan nahikoa da gozatzea, bizitzea eta, batez ere, eskertzea. Ipuin benetan ederra da Eskerrik asko!, isiltasunez betea. Narrazioa kolorez betetzen da Anuskaren ilustrazio delikatuekin, eta testua zabaldu egiten da eta isilik egotera eta sentitzera gonbidatzen gaitu. Eta eskerrak ematera inguruan ditugun gauza ederrengatik, zeinak askotan, ohituraren ohituraz, oharkabean joaten zaizkigun.

Sabanaren bihotz-bihotzean, akazia zahar baten gerizpean, hantxe jaio zen lehoia. Txikia zen, lehoiak halaxe jaiotzen direlako : ez dute kalparrik, ez dute izaten hortzik...

Charo Pitaren eta Madalena Matosoren ipuin honek bularra ematearen gaiari begiratzen dio, normalizazioaren begiekin egin ere, eta horrexegatik agertzen da haurren, familien eta gizartearen bizitzak berezko duen alderdi gisa. Protagonista txikiaren begirada xaloak gogora ekartzen digu, egiaz, magia-ukitua daukatela gure bizitzako adierazpen askok ûhaurrei bularra emateak, adibidezû, eta helduok ez gara erabat jabetzen, ohiko bihurtu zaizkigulako.

Erraza eta atsegina beharko lukeen egun bat, urtebetetze eguna, misterioz eta beldurrez betetako eguna bihurtuko da liburu honetako protagonistarentzat. Bere jairako prestaturiko tartaren bila abiatzea benetako abentura beldurgarria bihurtuko da, zorionez, era dibertigarrian amaituko dena. Irten zaitez herritik, har ezazu haran sakoneraino daraman bidea, sartu baso ilunean eta bilatu etxe txiki eta bakarti bat, hesi batek inguratuaà Ausartzen bazara!

Bost urte bete zituen egunean, aitonak ordulari bat egin zion opari Muxarri.

Oso modu jostagarrian, krokodiloen eta txori mota berezi baten artean egiaz dagoen harremana nondik etor litekeen kontatzen die haurrei Pilu Piluk. Txirria da txori mota hori, eta krokodiloaren aho barnera sartzen da, han pilatu zaizkion janari hondarrak, parasitoak eta bestelako ornogabeak kentzera. Horrez gain, zaindari lana ere egiten du txori txiki horrek; haren kantuarekin ûpilu pilu ari da etengabe, ipuinaren izenburuak dioen bezalaû abisua ematen die krokodiloei arriskuren bat hurbil denean. Ordainetan, urte osoan izaten du zer jana.