15 Document (s) trouvé (s)

Neska-mutiko anitz izitzen dira Olentzerorekin, itxura beldurgarria duelako: bisaia beltza, tripa handia... Baina jada maddi ez da izitzen. Ez behintzat Bartoxeko Olentzerorekin. Zergatik ote?

Benito Lertxundi aspalditik dabil herriz herri, plazaz plaza kantari. Bere ahots gozoari eta bere gitarraren soinu atseginari esker, kantu zoragarriak eskaintzen dizkigu. Ezagutu nahi al duzue Orioko kantari handia? Jakin nahi al dituzue kontu gehiago Benitori buruz? Ireki liburua eta hasi irakurtzen, kantuan eta marrazkiak ikusten.

Antton Kazabonek sortu eta Jokin Mitxelenak marraztutako istorio honetako kontalaria, Oxane, oso kezkaturik dago, aitona hil zitzaionetik amonak hartu duen jarrera ikusita. Izan ere, aitona bizi zenean bere etxeko andere gozoa baino ez zen hura erruz lotsagabetu da eta bazter guztiak nahasten ditu. Gogoak ematen dionean entzuten du musika erabat ozen, adibidez; janzkeraz ere erabat aldatu du eta gaztetxoak bezala janzten da orain, hirurogei urterekin. Sudurraren alde batean belarritako txiki bat darama, ilea motz-motz moztu du, hondartzan bikini txiki bat darama titizorrorik batere gabe, herriko festetan gaztetxoen arteko motokros lehiaketan parte hartu zuen eta orain mutil laguna ere aurkitu du, antza, maitasunak ez duela adinik-eta. Hala ere, amonak baditu bere arrazoiak hori guztia egiteko.

Eleberri honetako protagonistak Zaldiko izeneko pottoka eta Niko mutiko ahaltsua dira. Zaldiko, urtean behin edo bitan bakarrik euria egiten duen lurralde lehor eta eguzkitsu batean bizi da eta ez daki irrintzi egiten, ez du ikasi, ezin du egin, ez du horretarako indarrik bere eztarri ahul eta lehor hortan. Horrela, egun batean, Zaldikok Nikori laguntza eskatzen dio, egoera triste hortatik atera nahi duela eta mesedez laguntzeko esanez. Zaldikok badaki Niko nor den eta zein botere dituen. Niko oso mutiko ahaltsua da. Urteko egunik luzeeneko gaurik motzenenean jaioa, hau da, ekainaren 24ko gauerdian. Eta Nikok Zaldikori baietz esaten dio, lagunduko diola. Eta.... Eleberri honekin, Antton, hain ondo ezagutezen duen 5 eta 8 urte bitarteko gaztetxoen munduan sartzen da eta berriro, mundu hori ongi ezagutzen duela erakusten digu.

Potto pottoka ardi eta arkume artean bizi zen, eta oso bakarrik sentitzen zen, ez baitzuen haien hizkuntza ulertzen. Horregatik, beeka mintzatzen ikasi zuen, gauza asko zituelako erdiei eta arkumeei galdetzeko. Nor zen eta zer zen jakin nahi zuen, nongoa zen, gurasorik baldin bazuen, non bizi ziren...