6 Document (s) trouvé (s)

Toti Martinez de Lezearen eta Juan Luis Landaren Euskal Herriko leiendak/Leyendas de Euskal Herria (berez 2 liburu: euskaraz eta gazteleraz) liburuek bereizgarri hauek biltzen dituzte: gure arbasoen mundu eta pentsakeraren ikuspegi sendo eta ederra eskaintzea. Aita Barandiaranek bildutako altxor paregabeari errespetu osoz jarraituz idatzita daude Euskal Herri osora zabaltzen diren 65 leienda hauek. Geure begien bistan desagertzen ari den ahozko tradizio aberats hori, ilustrazio ikusgarriak daramatza, eta, Euskal Herriko bazter guztiak besarkatzen dituen mapa batean, leienda bakoitzaren kokagunea ere seinalatuta dator.

Uda hasi da eta euria ari du atertu gabe. Oporrak dira, jolaserako garaia, baina, eguraldi honekin, Nurrek eta haren lagunek ez dakite zer egin jostatzeko. Amamak esanda, liburu bat hartzen du apaletik, Denboraren liburua; liburu trokelatu bat da, Nurren arreta erakartzen du eta, magiaz bezala, Erdi Arora, Robin Hooden eta Lady Marianen garaietara eramaten ditu.

Oraingo emanaldi honetan Nur eta lagunak, Yi-Yi, Yidan, Hidehiro eta Ander Txina hegoaldeko Hainan uhartera joango zaizkigu. Han, dortoken ospitalea ezagutuko dugu eta abentura berri zirraragarriak biziko ditugu itsas-izarren, marrazoen, izurdeen, dortoken eta koloretako arrainen artean.

Nur Txinan bizi da orain, bere gurasoekin batera. Adiskide berriak egin ditu eta jolas-parke ikaragarri batean elkartu dira gaur, Guo Guoren urtebetetzea ospatzeko. Horretan, ordea, Guo Guo desagertu egin dela ohartzen dira, eta haren bila hasten dira...

Uda bukatzen ari da eta Nur oso udaleku berezi batera joan da, egiazko magia egiten den udaleku batera. Handia denean magialaria izan nahi du, eta orain lehenengo trikimailuak ikasiko ditu, azkenik. Oliver eta Txagu Magu magialariak ezagutzen ditu; horiek izango ditu magia-irakasleak. Eta baita beste magia-ikasleak ere. Baina udalekuan badira misterioak, eta Nurrek eta bere lagunek poliki-poliki argituko dituzte misterio horiek.

778. Karlos Handiak, erresuma germaniarren konkistatzaile eta Erromako elizaren babesleak, Marka Hispaniarra ezarri beharra du Pirinioen hegoaldean inperio islamiarraren oldarrari eutsi ahal izateko. Hala, Zaragozara abiatu dira ejertzito frankoak inoiz ezagutu duen errege boteretsuenaren osteak, agindu zitzaion bezala, Hispaniako iparraldeko hiri handiaz jabetzeko. Baina hara heldutakoan, espero ez duena topatuko du erregeak.